असोजको वर्षाले धानबालीमा क्षति, उत्पादन घट्ने प्रक्षेपण

असोज महिनाको बेमौसमी वर्षाले धानबालीमा क्षति पुगेको छ। कृषि तथा पशुपन्छी विकास मन्त्रालयका अनुसार तराईका पाँच जिल्लामा उल्लेख्य क्षति भएको छ।

काट्ने तयारीमा रहेको धान लडेपछि किसान मारमा परेका छन्। भिजेको धानको गुणस्तर घट्ने र मूल्य नपाइने किसानको गुनासो छ।

मन्त्रालयले क्षतिको विस्तृत विवरण संकलन गरिरहेको जनाएको छ। बालीबीमा गरेका किसानलाई क्षतिपूर्ति दिने प्रक्रिया सुरु गरिने भएको छ।